शब्दहाट
१.
आलो घाउमा
नुनचूक छर्न
खप्पिस उनी
उनको विद्याश्रम दर्शन गर्ने
साइत कहिले जुर्ला नि!
२.
बज्रकठोर हातले
कविताको कोमल मुटु
स्पर्श गर्दा
ठहरै हुँदैन र?
३.
भत भत पोल्ने भाबरमा
तड़पिरहेको रोगी
जीवनको पीढ़ालाई
चट्टै पार्ने मृत्युमय ओखती कुट्ने
ओखली कस्तो छ नि?
४.
जल्यौ तिमी
ईर्ष्याको आगोमा?
म त उनिएँ नि
मर्मको धागोमा!
५.
तप तप गर्दै
के चुहिबसेको त्यसरी
आँसु?
गोहीको को पो त!
भनिदियौ
मृगनयनी तिमीले।
६.
झसङ्ग ब्यूझिएँ
आँखा टट्टाइरहेको थियो
मलेको मात्र थिएँ आँखा
सपनाहरु पो लिपिएछन
कचेरासितै- अनुहारभरि!
७.
सूर्यलाई हातकड़ी लगाएर
प्रहरीहरूले सधैं
कुन जेलखानामा
पुरयाउँछन कुन्नि!
Wednesday, August 17, 2011
Subscribe to:
Posts (Atom)